Watch “SABAK – SHORT FILM BASED ON WOMEN EMPOWERMENT” on YouTube

Official Launching of SHORT FILM – “सबक”  

A movie by MANJOBAN 

MANJOBAN has taken various initiatives to spread awareness about “WOMEN EMPOWERMENT”. We are now coming up with a Short Film “SABAK”. The story is about how the real women are Classy, Strong, Independent, Loyal and Lovable and One thing about them is they know they deserve Better… 
Writer & director : Manisha Joban Desai
#sabak #shortfilms #surat #manjoban #girlsrising #empowering #strongwomen #women #facts #mastermotivator #artist #actor #mentor #fitness #imotivateme #inspiring #motivated #encouraging  #confident #positive #empower #loved #inspire #motivate #unforgettable #believeinyourself #selfimprovement #beautiful #attitude #womenempower

Advertisements

આજ જીવંત છે…

FB_IMG_1489342716091

 

આજ જીવંત છે
વિજેન વહેલી સવારે વોક પર નીકળી એક અર્જન્ટ ફોન યાદ આવ્યો તેને રિપ્લાઈ કરી રહ્યો હતો.ત્યાંતો ,બાજુમાંથી કોઈનો મધુર સ્વર સાંભળી અટકી ગયો .
“ગુડ મોર્નિંગ વિજેન,કેમ છો ?બહુ સમય બાદ દેખાયા ?”
“ઓ ,વેરી ગુડ મોર્નિંગ ડો.પરાશર વૉટ્સ ગોઈંગ ઓન ?”
“જસ્ટ રૂટિન,તમને જોઈ ખુબ આનંદ થયો .”
“દુઃખદ ઘટનાની સંવેદનાઓ તો દિલમાં ધરબી ફરી સમય સાથે વહેવું જ પડે છે માય ડીયર.. ” ડો .રિકેન બોલ્યા
“આજનો ઉગતો સૂર્ય ફરી તમને ચેતનવંતા બનાવી દે એવી શુભેચ્છા .”
“થેન્ક્સ ,તમારા જેવા મિત્રોના લાગણીભર્યા મેસેજ વાંચી ને ખુબ રિલેક્સ લાગતું હતું પણ, ફરી આપણી સવારની આ સૂર્ય- સભામાં આવું નહિ ત્યાં સુધી મારા લાગણીવનનું નવસર્જન શક્ય જ નહોતું ”
“અમે પણ તમને પ્રિય પત્નીને ગુમાવી દીધા પછી મૌનસાધના અને અલિપ્તપણાને મનભરી જીવવા દીધું અને આજે તમે ફરી નવજીવનની દોડ શરૂ કરી, એના સેલિબ્રેશન માટે બાગમાં બેસી તમારી પાસે ગીત સાંભળવાનો પ્રોગ્રામ ઘડી દીધો છે ”
“થેન્ક્સ મિત્રો ,જરા આ બીજો રાઉન્ડ પૂરો કરી આવું છું ”
વિજેન શહેરની પ્રખ્યાત ચાર્ટર્ડ એકાઉન્ટ કંપનીનો માલિક હતો.એક દીકરોહતો જે વિદેશમાં ભણતો હતો.અને ૨ મહિના પહેલા એની પત્ની કુશા એક સંસ્થાએ ગોઠવેલા મંદિરના પ્રાણપ્રતિસ્થા ઉત્સવમાં હાજરી આપવા જતી હતી ત્યાં કાર અકસ્માતમાં મૃત્યુ પામી હતી.
અડધી રાતે સ્વપ્ન આવતું ….અચાનક ખળ ખળ વહેતા જિંદગીના પ્રવાહમાં જાણે ધુમ્મસ છવાયું અને આંખ ખોલી જુએ છે તો હોડીમાં સામે બેઠેલ એનું પ્રિયપાત્ર હવામાં ઓગળી ગયું અને એ ….કુશા કુશા બૂમો પાડી એકલે હાથે હલેસા મારી કોઈક કિનારો શોધી રહ્યો છે…સફાળો જાગી ઉઠતો અને ફરી બંધ આંખે કુશાની યાદોમાં ખોવાઈ જતો.ઓફિસ જવાનું શરુ કર્યું પણ એકાંતનું અડાબીડ જંગલ રાત થયે એને વીંટળાઈ વળતું.
રાઉન્ડ પૂરો કરી ઘાસ પર બેઠેલું મિત્રવૃંદ જોઈ ઝડપથી પહોંચી ગયો .સરસ પવન વાતો હતો અને સંતરાના જ્યુસનો સીપ લેતા એક ગુજરાતી ગઝલ ગાઈ સંભળાવી .એના અવાજનું દર્દ સૌ સમજી રહયા હતા.પછી ડો.અલિપ્તા પરાશર સાથે ફરી યોગાસનના ફાયદા વિષે ડિસ્કસ કરવા માંડ્યો.બધા મિત્રોએ બીજે દિવસે યોગા સેન્ટર પર મળવાનું નક્કી કર્યું .
કેટલાક ડો. મિત્રોનું ગ્રુપ સાથે બીઝ્નેસ ગ્રુપમાં અપરણિત ડો.અલિપ્તાની અને પરિણીત ડો.સંવાદ મિશ્રની દોસ્તી વિવાદાસ્પદ હતી .પણ ગ્રુપમાં સૌ એક મૌન જાળવી રહેતા.ડો અલિપ્તાની પણ પોતાની અલગ પ્રેકટીશ હતી અને એ વિજેનની કલાયન્ટ પણ હતી .ખુબ સૌમ્ય અને મિલનસાર અલિપ્તાને એકવાર કુતુહલવશ વિજેને અપરણિત રહેવાનું કારણ પણ પૂછેલું અને સૌમ્યાએ એની અને ડો. સંવાદના પ્રેમની અને પૈસા ખાતર ડો. સંવાદે નહિ ગમતી છોકરી સાથે કરેલા લગ્ન તથા ખુબ મોટું નર્સિંગ હોમ બનાવી જિંદગીની વાસ્તવિકતા સાથે કરેલા સમાધાનની વાત જણાવી હતી.પ્રેમ ખાતર એકલી સંઘર્ષ કરતી ડો.અલિપ્તા માટે એને ખુબ માન હતું .અને એના જીવનમાં આવી પડેલા દુઃખમાં પણ સતત આધ્યાત્મિક પુસ્તકો વિજેંનને મોકલતી અને ખુબ સાંત્વન આપતી .થોડા દિવસ વિજેનનો સમય એનો દીકરો યુ .એસથી આવ્યો એની સાથે સરસ વીતી ગયો .ને ફરી એકલતા
“પપ્પા, તમે પણ ત્યાં આવતા રહોને,ત્યાં પ્રેકટીશ શરુ કરી દેજો.”
“દીકરા અહીં એકદમ સેટ છું અને ત્યાંનું વાતાવરણ હવે મને નહિ ફાવે.અહીં મારું મિત્રમંડળ એવું લાઈવ છે કે મને જરા જીવવા જેવું લાગે છે.તારો વિચાર તો ત્યાંજ સેટ થઇ જવાનો લાગે છે !”
“પપ્પા મારી ગર્લફ્રેન્ડ પણ આ વર્ષે ત્યાંજ માસ્ટર્સ કરવા આવવાની છે ”
“ઓહ સરસ ,તારી મમ્મી હોતે તો આ જાણી એટલી ખુશ થઇ જતે.મને વારંવાર પૂછતી ,”આપણા દીકરો પણ કોઈના પ્રેમમાં પડ્યો હશે આપણી જેમ ?”
અને વિજેનની આંખમાં તગતગતા આંસુ જોઈ ,
“પપ્પા ,મમ્મી ની યાદ તો આપણા દિલમાં પળેપળરહેવાની છે .પણ ..સમય સાથે તમે પણ કોઈક સાથે નવું જીવન શરુ …..અમેરિકામાં તો આ બધું કોમન ….”અને ચૂપ થઇ ગયો . ને ફરી એકલતા.દિવસો વીતતા હવે વિજેન પણ સમયના પ્રવાહમાં એકલો સંતુલન કરતો થઈ ગયો હતો.
ફોનની રિંગ વાગી ને ડો. અલિપ્તાએ લંડનની હોસ્પિટલમાં સરસ પોસ્ટ મળી હોવાં જણાવ્યું અને વિજેન તરત એને મળવા દોડી ગયો .
” કેમ અલિપ્તા આમ અચાનક દૂર જતા રહેવાનું વિચાર્યું ?”
“વધુ સારી તક અને અલગ વાતાવરણમાં કામ કરવાની ઈચ્છા થઇ છે ”
“હું નથી માનતો આ સાચી વાત હોય .”
“કેમ એવું લાગે છે ?”
” કોઈક પરિસ્થિતિથી ભાગતી હોય એવું લાગે છે ,જાણું છું તું તારો પહેલો પ્રેમ ભૂલી નથી સકતી .અને તમારા આ સંબંધોને લીધે થતી સમાજની અવહેલના પણ સહન નથી થતી.સાચું ને ?”
અને ડો. અલિપ્તા આંખ ઝુકાવી પાંપણ પરથી ટપકી જતા આંસુઓને સંભાળતી જલ્દીથી બારીની બાજુમાં જઇ ઉભી રહી ગઈ .
વિજેન નજીક પહોંચ્યો અને એના ખભા પર હાથ મૂકી ,
“અલિપ્તા ,તારા બધું છોડી અહીંથી જતા રહેવાના નિર્યણને… મારી એક વાતથી તું બદલશે એવો મને વિશ્વાસ છે,હંમેશા માટે મારી બની રહી જવાનું એટલેકે તારી સાથે લગ્ન કરવાનું અને તને હંમેશા ખુશ રાખવાનું મારું વચન”
અને અલિપ્તાને પોતાની તરફ ફેરવતા એની આંખેથી ટપકતા આંસુને હથેળીમાં ઝીલી લીધા.અલિપ્તાના હૃદયમાંથી ઉમડતો ભાવનાઓનો સાગર ક્યાંય સુધી આંસુઓ થઇ વિજેનના ખભે ટપકતો રહ્યો .

-મનીષા જોબન દેસાઈ

Create a website or blog at WordPress.com

Up ↑